مشكلتي أهواك من يوم لا قيتك
لا أرتحت في قربك ولا البعد نساني
أسكنتك بروح روحي صرت أنا بيتك
وأدللك بالمحبه يا أجمل أحزاني
اليوم من شوق قلبي بالغلا جيتك
بكيت لك .. والبكا ما فارق أجفاني
يا أجمل هموم قلبي كم تمنيتك
وأنا اللي عانيت في حبك وعناني
شربت من هم بعدك لين مليتك
والحزن .. من كثر ما خاويته أغلاني
تذكر من العمر يا كثر ما اعطيتك
طاوعتك وربي بظلمك تبلاني
أهديتك العمر كله .. ليت ما أهديتك
أرخصت روحي معك يا أعز خلاني
شلي بغيته بعد من عقب ما أغليتك
أرجوك قلي وقدر طول حرماني
تذكر الشوق ما عمري تناسيتك
الله يسامح خفوقك ليه يجفاني ؟
لو أن قلبي يطاوع كان خليتك
لكني اشلون بنسى وأنت وجداني ؟
ملطووووووووووووش ممن لامس مشاعري
11/09/08, 03:06 am